Rs 2 crore Cash and 1 kg Gold Looted In Latur لاتور میں بندوق کی نوک پر 2 کروڑ نقد اور 1 کلو سونا لوٹ لیا گیا

مہاراشٹر کے ضلع لاتور میں ڈکیتی کا ایک سنسنی خیز واقعہ سامنے آیا ہے، جس میں پانچ ڈاکوؤں نے ایک گھر میں گھس کر دو کروڑ کی نقدی اور ایک کلو سونا لوٹ لیا۔ پولیس اس معاملے کی تحقیقات کر رہی ہے۔ Rs 2 crore Cash and 1 kg Gold Looted In Latur

لاتور : ریاست مہاراشٹر کے لاتور ضلع میں دو کروڑ روپے نقد اور ایک کلو سونا لوٹنے کا واقعہ پیش آیا ہے۔ یہ واقعہ شہر کے وویکانند چوک تھانہ علاقہ کے کاوا ناکہ رنگ روڈ علاقہ کے تحت کنہیا نگر کے کٹپور روڈ پر راجکمار اگروال کے گھر پر پیش آیا۔ اس دلخراش ڈکیتی میں پانچ ڈاکو ملوث ہیں جن میں سے تین کی عمریں 25-30 سال اور دو کی عمریں 35 سال ہیں۔

متاثرین نے پولیس کو بتایا ہے کہ واردات کو انجام دیتے وقت ڈاکو مراٹھی میں بات کر رہے تھے۔ ڈاکوؤں میں سے ایک نے فوجی رنگ کی جیکٹ اور پتلون پہن رکھی تھی۔ ان میں سے چار نے جوتے اور ایک نے چپل پہن رکھی تھی۔ پولیس سے موصول ہونے والی ابتدائی معلومات کے مطابق ڈاکوؤں نے پستول، کوئتہ اور چھری دکھا کر دو کروڑ نقدی اور ایک کلو سے زائد سونا زبردستی لوٹ لیا۔ Rs 2 crore Cash and 1 kg Gold Looted In Latur

اطلاعات کے مطابق اس واقعہ میں کوئی جانی نقصان نہیں ہوا۔ پولیس نے فوری طور پر موقع پر پہنچ کر ملزمان کی تلاش کے لیے ٹیم بھیج دی۔ مقامی کرائم برانچ کے پولیس انسپکٹر گجانن بھتل ونڈے نے ای ٹی وی بھارت سے فون پر بات کرتے ہوئے کہا کہ چونکہ اس معاملے میں کوئی شکایت درج نہیں کرائی گئی ہے، اس لیے ابھی تک یہ معلوم نہیں ہو سکا ہے کہ ڈاکوؤں نے کتنی رقم چرائی ہے۔