تحریک اوقاف نے کہا کہ موجودہ وقف وزیر سنجیدہ نہیں ہیں اسی لیے وہ مہاراشٹر وقف کا دفتر ممبئی منتقل کرنا چاہتے ہیں ساتھ ہی تحریک اوقاف نے الزام لگایا ہے کہ وقف کی اہم فائلیں ممبئی منتقل کی گئی ہیں۔
مہاراشٹر تحریک اوقاف کے صدر شبیر انصاری سے گفتگو
مہاراشٹر اسٹیٹ وقف بورڈ کو فعال اور سرگرم کرنے کے معاملے میں موجودہ وقف منسٹر سنجیدہ نہیں ہیں اسی لیے انہوں نے بورڈ کے صدر دفتر کی منتقلی کا شوشہ چھوڑا ہے، اس طرح کا الزام تحریک اوقاف کے صدر شبیر انصاری نے لگایا ہے۔
وقف امور کے معاملے میں حکومت کو متوجہ کرنے کے لیے ریاست گیر سطح پر تحریک چلانے کا انتباہ بھی تحریک کی جانب سے دیا گیا۔