بھیونڈی: ڈپٹی پولیس کمشنر نے احتجاجی دھرنے کا جائزہ لیا

ریاست مہاراشٹر کے دارالحکومت ممبئی سے متصل بھیونڈی میں 'سنویدھان بچاؤ سنگھرش سمیتی' کی جانب سے سی اے اے، این آر سی اور این پی آر کے خلاف مسلسل دوسرے روز بھی احتجاجی دھرنا جاری ہے۔

احتجاج میں خواتین اپنے چھوٹے چھوٹے بچوں کے ساتھ شریک ہوئیں اور 'آزادی' کے نعرے لگائے، اس کے علاوہ بزرگ خواتین بھی احتجاج میں شریک رہیں جن کا جوش و جذبہ قابل دید ہے۔

بھیونڈی کے ڈپٹی پولیس کمشنر راج کمار شندے نے احتجاجی دھرنے کا دورا کیا جہاں انہوں نے خورد و نوش کی اشیاء سمیت اسٹیج، کنٹرول روم اور شامیانہ کا جائزہ لیا۔

دھرنے پر موجود خواتین نے پولیس کمشنر کے استقبال میں 'پولیس زندآباد اور مہاراشٹر زندہ آباد' کے نعرے لگائے۔