مالیگاؤں سٹی پولیس اسٹیشن کنٹرول روم میں شہر کے تمام صحافیوں کے ساتھ شہر اے ایس پی سندیپ گھوگے ، ڈی وائی ایس پی رتناکر نولے اور ٹریفک انتظامیہ کے ساتھ میٹنگ میں پولیس بندوبست و لاء اینڈ آرڈر پر بات چیت کی۔
سندیپ گھوگے نے کہا کہ این آر سی اور سی اے اے پر شہر میں جلسہ، جلوس اور بند کو منظوری مل گئی ہے۔ احتجاج کرنا بھارتی شہری کا جمہوری حق ہے لیکن اس دوران قانون کی غیر پاسداری کی گئی تو پولیس اس پر کاروائی کرے گی۔
پولیس اس دوران سوشل میڈیا، واٹس ایپ، بینرس، نعرے اور وڈیوز پر نظر رکھے گی اور شرپسندوں نے اس پر امن احتجاج میں خلل پیدا کرنے اور سیاسی رنگ دینے کو کوشش کی تو ان پر بھی کاروائی کی جائے گی۔ ایک اندازے کے مطابق پچاس ہزار یا لاکھ کی تعداد میں لوگ سڑکوں پر اترے گے اسی لیے پولیس انتظامیہ، نیم فوجی دستے، ٹرایفک انتظامیہ اور خصوصی حفاظتی دستے کا سخت بندوسبت رہے گا۔ اس طرح کا اظہار ڈی وائی ایس پی رتناکر نولے نے کیا۔
اس پولیس میڈیا میٹنگ میں خلیل عباس شامنامہ، محمد یوسف ترجمان، ظہور خان نیوز 18، ایس این انصاری ای ٹی وی بھارت، جمال شیخ راشٹریہ سہارا، زاہد بیباک، ابراہیم جنتا جواب اور دیگر پرنٹ و الیکٹرانک کے نمائندوں نے شرکت کی۔
