'وزیراعظم کا پرگیہ ٹھاکر کی حمایت کرنا تشویشناک'

مہاراشٹر کے دارالحکومت ممبئی سے متصل تھانے شہر میں نیشنلسٹ کانگریس پارٹی کے رکن اسمبلی کی قیادت میں پارٹی کارکنان نے سادھوی پرگیہ سنگھ ٹھاکر کے خلاف احتجاج کیا۔

این سی پی کے کارکنان نے ہیمنت کرکرے کی تصویر والے پلے کارڈ اٹھاکر احتجاج کیا اور سادھوی کے بیان کی سخت مذمت کی۔

این سی پی کے رکن اسمبلی جتیندر اہواڑ نے سادھوی پرگیہ سنگھ کے بیان کی سخت مذمت کرتے ہوئے کہا کہ ' پہلے انہیں سادھوی کہنا بند کیا جائے چونکہ ملک میں انسانیت کے لیے کام کرنے والے سادھو سنت گزرے ہیں۔'

انہوں نے کہا کہ ' جس طرح کا بیان پرگیہ ٹھاکر نے دیا ہے اور اس کی حمایت وزیراعظم نے کی ہے، یہ سب تشویشناک ہے۔'