اورنگ آباد: این سی پی نے پٹرول کی اضافی قیمت کو لے کر احتجاج کیا

ریاست مہاراشٹر کے ضلع اورنگ آباد میں این سی پی لیڈروں نے مودی حکومت کے خلاف احتجاجی مظاہرہ کیا۔ اورنگ آباد شہر میں پٹرول کی قیمت 100 روپے سے تجاوز کر گئی اور کھیتی میں لگنے والی کھاد کے بیج کے دام بھی بڑھ گئے ہیں جس کو لے کر احتجاج کیا گیا۔

اورنگ آباد شہر میں پٹرول کے دام 100روپے سے تجاوز کر گئے ہیں۔ ایندھن کی بڑھتی قیمتوں کے خلاف اورنگ آباد شہر میں این سی پی لیڈروں کی طرف سے احتجاجی دھرنا دیا گیا۔

اسی طرح آئے دن فصلوں کے کھاد کی قمیت میں بھی اضافہ ہو رہا ہے، جس کو لے کر راشٹروادی کانگریس پارٹی کے لیڈروں نے مرکزی حکومت کے خلاف اورنگ آباد کے کرانتی چوک میں احتجاجی دھرنا دیا اور مودی حکومت کی پالیسیوں پر شدید نکتہ چینی کی۔

مظاہرین کا کہنا ہے کہ کورونا وبا کے دوران لوگوں کے پاس کھانے کے لیے رقم نہیں۔ ایسے میں فصلوں کے بیج اور کھاد کے دام بڑھا کر مودی حکومت عام آدمی کی کمر توڑنا چاہتی ہے۔

مظاہرین نے فوری پٹرول اور کھاد کی قمیتوں میں کمی کا مطالبہ کیا اور اضافی ٹیکسوں کو ہٹانے پر زور دیا۔