'وزیراعظم مودی پہلے خود ویکسین لگا کر ویکسینیشن مہم کی شروعات کریں'

راشٹروادی کانگریس پارٹی کے قومی ترجمان نواب ملک کا مطالبہ ہے کہ وزیراعظم مودی پہلے خود ویکسین لگا کر کووڈ ویکسینیشن مہم کی شروعات کریں۔

وزیراعظم نریندرمودی پہلے خود ویکسین لے کر کووڈ ویکسینیشن مہم کی شروعات کریں۔ یہ مطالبہ آج یہاں راشٹروادی کانگریس پارٹی کے قومی ترجمان و اقلیتی امور کے وزیرنواب ملک نے کیا ہے۔

واضح رہے کہ 16جنوری سے ملک بھر میں کووڈ ویکسین مہم کی شروعات کی جارہی ہے جس میں ہیلتھ ورکرز، پولیس اہلکاروں و فوج میں شامل لوگوں کو ویکسین لگائی جائے گی لیکن اس ویکسین کے تعلق سے عوام میں شکوک و شبہات ہیں۔

نواب ملک نے یہ بھی کہا ہے کہ اگر وزیراعظم مودی پہلے ویکسین لیں تو عام لوگوں کے دلوں سے ویکسین کے بارے میں پایا جانے والا خوف دور ہوگا۔