Municipal Administrator اورنگ آباد مونسپل کے ایڈمنسٹریٹرنے کراڑ پورہ کا دورہ کیا

اورنگ آباد مونسپل کارپوریشن کے ایڈمنسٹریٹر جی شریکانت نے مسلم اکثڑیتی علاقہ کراڑ پورہ کا دورہ کیا اور مقامی باشندوں سے ملاقات کی۔ایڈمنسٹڑیٹرنے صاف صفائی اور نکاسی نظام کو لے کر مقامی باشندوں سے بات چیت کی ۔

اورنگ آباد:ریاست مہاراشٹر کے ضلع اورنگ آباد کے کراڑ پورہ وارڈ نمبر 42 کے باشندے گزشتہ طویل عرصہ سے کئی مسائل سے پریشان ہیں۔ اس ضمن میں ایڈمنسٹریٹر جی شریکانت کو بلایا گیا تھا۔مقامی کی جانب سے بلانے پر ایڈمنسٹریٹر شریکانت نے کرار پورہ وارڈ کا معائنہ کیا اور در پیش پانی ، ڈرنیچ اور راستوں کے علاوہ دیگر ایک ایک مسئلہ کے متعلق تفصیلات جانے کی کوشش کی۔

پوری طرح تصدیق کرنے کے بعد ایڈ منسٹریٹر جی شریکانت نے متعلقہ افسران کو حکم دیا کہ وارڈ کے تمام مسائل کو فوری طور پر حل کریں۔ واضح رہے کہ انتظامیہ اور متعلقہ افسران کی توجہ کروانے کے باوجود کوئی اقدام نہ کئے جانے کے باعث وارڈ کے سوشل ورکر و سابق کارپوریٹر حاجی الحق نے میونسپل ایڈمنسٹریٹر جی شریکانت سے ملاقات کر کے علاقے کے مسائل سے آگاہ کیا تھا۔

انہوں نے وارڈ کا معائنہ کرنے کی گزارش بھی کی تھی اس مسئلہ کی سنگینی کو محسوس کرتے ہوئے ایڈمنسٹریٹر شریکانت نے کراڑ پورہ وارڈ کا معائنہ کیا۔ حاجی اسحاق نے انھیں ہر جگہ لے جا کر متعدد مسائل کو سامنے لانے کی کوشش کی ۔ انہوں نے ایڈمنسٹریٹر جی شریکانت کو بتایا کہ لگ بھگ تین سال سے میونسپل کارپوریشن میں عوامی نمائندے نہ ہونے کے سبب افسران بلدی مسائل پر توجہ نہیں دے رہے ہیں۔ ایڈمنسٹریٹر جی شریکانت نے مقامی باشندوں سے بات چیت کرنے کے بعد ان کے مسائل جلد سے جلد کرنے کی یقین دہانی کرائی۔انہوںنے کہاکہ لوگوں کو پریشانیوں سے جلد نجات مل جائے گی۔