ریاست مہاراشٹر کے دارالحکومت ممبئی سے متصل ممبرا میں کیب کے خلاف پر زوردار احتجاج کیا گیا اور علامتی طور پر اس بل کی کاپی بھی نذر آتش کیا۔
ممبرا : شہریت ترمیمی بل کے خلاف زبردست احتجاج وہیں احتجاج کے دوران شامل افراد ہاتھوں میں تختی لیے ہوئے تھے، جس پر 'وی اپوز سٹیزن امینمینڈ بل' سیو کانسٹیٹیوشن 'جیسے نعرے تحریر تھے۔
اس بل کو نذر آتش کرنے کے دوران بل مخالفت میں زبردست نعرے بازی کی گئی۔
مذٰد پڑھیں: مسلمانوں طبقے کے دانشوروں کی جانب سے سی اے بی کی مخالفت
شہریت ترمیمی بل کے خلاف مہاراشٹر ہی نہیں بلکہ ملک کے مختلف گوشوں میں احتجاجی مظاہرے ہو رہے ہیں اور شہری سڑکوں پر اتر کر اس بل کی مخالفت میں حکومت کے خلاف نعرے بازی بھی کر رہے ہیں۔
سماجی ملی تنظیموں کے دانشوران کے مطابق یہ بل ملک مخالف ہے اور اس بل کا فیصلہ پوری طرح غلط فیصلہ ثابت ہوگا۔
مذید پڑھیں: شہریت ترمیمی بل پر صدر کی مہر
شہریت ترمیمی بل کے خلاف مہاراشٹر کے شہر ممبرا میں دیر شام احتجاج جلوس نکال کر ہاتھوں میں مشال لیے اس بل کی مخالفت مقامی شہری کر رہے ہیں۔
پولیس جمیعت کی موجودگی میں پرامن اس مظاہرے کے دوران بل کی کاپی نذر آتش کرتے ہوئے احتجاج کیا گیا۔
اس احتجاج میں شامل مقامی سیاسی رہنما اشرف شانو پٹھان کے مطابق یہ بل ملک اور آئین کے مخالف ہے، وہ حکومت سے مطالبہ کر رہے ہیں کہ ملک دونوں ایوان سے یہ بل منظور ضرور ہوگیا ہے، مگر اسے واپس لے لیں کیونکہ ملک میں کوئی بھی قانون مذہب کی بنیاد پر نہیں بنایا جاسکتا ہے۔
جو آئین مخالف ہے اسے ملک کی عوام قطعی قبول نہیں کریگی اور اہم ترین مسائل سے دھیان بٹانے کے لیے اس طرح کے قانون بنائے جارہے ہیں۔
