میں ای ڈی کی ایمانداری کے بارے میں جانتا ہوں: کپل سبل

بامبے ہائی کورٹ میں ای ڈی کے حوالے سے وکلاء کے درمیان تلخ نوک جھونک ہوئی۔ ہریش سالوے نے کہا کہ ریاستی حکومت کے وکیل ایک یونین ایجنسی کو بے ایمان قرار دے رہے ہیں۔

بمبئے ہائی کورٹ میں آج ٹی آر پی کیس کی سماعت کے دوران انفورسمنٹ ڈائریکٹوریٹ ( ای ڈی) کی مداخلت پر سینئر ایڈوکیٹس ہریش سالوے اور کپل سبل کے درمیاں تلخ لفظوں کا تبادلے اور تلخ نوک جھونک کے ڈرامائی مناظر دیکھے گئے۔

عدالت آج ٹی آر پی اسکیم معاملے میں ممبئی پولیس کی تحقیقات کو چیلنج کرنے والی اے آر جی آؤٹلیئر میڈیا پرائیوٹ لمیٹڈ (جو کمپنی ریپبلک ٹی وی چینلز چلاتی ہے) کی جانب سے دائر عرضی پر سماعت کررہی تھی۔

اس موقع پر اے آر جی آؤٹلیئر میڈیا پرائیوٹ لمیٹڈ کے لیے پیش ہوئے سینئر ایڈوکیٹ ہریش سالوے کہا کہ اگر اس معاملے میں ای ڈی کی تفشیش ممبئی پولیس کی تحقیقات سے مختلف ہے تو اس کا مطلب یہ ہے کہ پولیس کی جانب سے ریپبلک ٹی وی اور اس کے اینکر ارنب گوسوامی کے خلاف بدنیتی کا مظاہرہ کیا جارہا ہے۔

اس کے جواب میں ممبئی پولیس کی جانب سے پیش ہوئے سینئر ایڈووکیٹ کپل سبل نے اس معاملے میں ای ڈی کی پیشی پر سخت اعتراض کیا۔