مبئی میں جمعرات شام فلائی اوور کے ہونے والے حادثہ کے بعد ممبئی سے متصل تھانے میں این سی پی نے پریس کانفرنس کی ۔ اس کے علاوہ مہاراشٹر نونرمان سینا ( ایم این ایس) کے رہنماؤں نے کوپری برج کا اچانک معائنہ کیا۔
اس فلائی اوور کو مخدوش ہونے کا الزام عائد کرتے ہوئے فوراً اس کی تجدیدکاری کا مطالبہ کرتے ہوئے انتباہ دیا ہے کہ اگر جلد کام شروع نہیں کیا گیا تو اس کے خلاف ریل روکو مہم شروع کی جائیگی۔
واضح رہے کہ تھانے ممبئی کو جوڑنے والے کوپری فلائی اوور کی مرمت کا کام چند ماہ قبل انجام دیا گیا تھا۔مگر ایم این ایس کے رہنماؤں نے فلائی اوورکا معائنہ کر نے کے بعد الزام عائد کیا کہ فلائی اوور کے مرمت کا کام نامکمل ہے۔
ایم این ایس کے رہنماؤں کا کہنا ہے کہ کبھی بھی کوئی بڑا حادثہ رونما ہوسکتا ہے کیونکہ برج نیچے سے مخدوش ہو گیا ہے۔ اگر وقت رہتے کام شروع نہیں کیا گیا تو ایم این ایس اپنے طریقے سے ریل روکو مہم کا آغاز کرے گی۔ اس تفتیشی ٹیم کی قیادت ایم این ایس اور پالگھر تھانے کے صدر اویناش جادھو کررہے تھے۔