ایم پی امتیاز جلیل اور ان کے حامیوں کا دھرنا

مہاراشٹر کے اورنگ آباد شہر میں ایم پی امتیاز جلیل اور ان کے حامیوں نے جالنہ روڈ پر واقع وقف جائیداد کے معاملے پر احتجاج کیا۔

اورنگ آباد کے ایم آئی ایم رکن پارلیمان امتیاز جلیل نے جالنہ روڈ پر واقع متنازع وقف جائیداد کے قریب پہنچ کر دھرنا دیا اور سرمایہ کاروں سے اپیل کی کہ وہ اس جائیداد میں سرمایہ کاری سے پرہیز کریں۔

کیونکہ یہ وقف پراپرٹی ہے اور وقف پراپرٹی کسی کو فروخت نہیں کی جاسکتی۔ امتیاز جلیل نے اس موقع پر انتباہ دیا کہ وقف جائیدادوں پر قابض لینڈ مافیا کی سرکوبی تک وہ خاموش نہیں بیٹھیں گے۔

واضح رہے کہ امتیاز جلیل کا الزام ہیکہ وقف حکام کی ملی بھگت سے سو کروڑ کی پراپرٹی کوڑیوں کے مول بیچ دی گئی ہے۔