Shivaji Birth Anniversary In Maharashtra باحجاب لڑکیاں بھی شیواجی مہاراج کی جینتی تقاریب میں پیش پیش

اورنگ آباد میں چھترپتی شیواجی مہاراج کے یوم پیدائش کی مناسبت سے آپسی بھائی چارے کے پیغام کو عام کیا جاتا ہے ، ہفتہ بھر تک جاری رہنے والی تقریبات میں مذہبی ہم آہنگی اور آپسی اتحاد ملک کی ترقی کے لئے کتنی ضروری ہے اس کی تعلیم دی جاتی ہے ، ان پروگراموں میں مسلم طالبات باحجاب شرکت کرتی ہیں اور تعمیری سرگرمیوں میں کلیدی کردار ادا کرتی ہیں ۔ Shivaji Birth Anniversary In Maharashtra

اورنگ آباد:ریاست مہاراشٹر کے اورنگ آباد میں چھتر پتی شیواجی مہاراج کی جینتی اتسو ایک ہفتے تک منایا جائے گا۔اس دوران کرانتی چوک علاقے میں ہر روز اسکولی طلبا کو شیواجی مہاراج کے کارنامے اور ان کے آپسی بھائی چارے کے بارے میں بتایا جاتا ہے۔طلبا وطالبات کو تاریخ سے واقف کروانے کی کوشش کی جاتی ہے۔

اس دوران اسکولی طلبا، لوک گیت،نکڑ ناٹک اور ڈارمے پیش کرتے ہیں، اس پروگرام کے ذمہ داروں کا کہنا ہیکہ شیوجینتی کے موقع پر محض ڈھول تاشے بجانے کے بجائے نئی نسلوں کو ملک کے لیڈروں اور مذہبی اقدار سے واقف کروانا ان کا مقصد ہے تاکہ آپسی اتحاد اور ہندو مسلم بھائی چارے کو مضبوط کیا جاسکے ، قابل ذکر بات یہ ہیکہ اس پروگرام میں اردو اسکولوں کے طلبا وطالبات بھی بڑھ چڑھ کر حصہ لیتے ہیں۔

اس پروگرام کو منعقد کرنے والے چھترپتی شیوچرتر پرائن سمیتی کے ذمہ داروں کا کہنا ہے کہ ملک بھر میں شواجی مہاراج کی یوم پیدائش پر مختلف انداز میں مختلف پروگرامز منعقد کئے جاتے ہیں۔

اس پروگرام کا یہی مقصد ہے کہ شیواجی مہاراج کی جو زندگی تھی وہ صحیح طریقے سے طلبہ و طالبات کو پہنچے تاکہ وہ مستقبل میں اچھا شہری بنے اس پروگرام میں شہر کے سبھی میڈیم کے اسکولی بچے شامل ہوتے ہیں جن میں انگلش، اردو، ہندی اور مراٹھی اسکول ہے۔

انہیں ہر روز شیواجی مہاراج کی زندگی پر لکھی گئی کتاب سنائی جاتی ہے جسے بچے غور سے سنتے بھی ہے۔اس پر عمل کرنے کی کوشش کرتے ہیں۔