گنٹے واری اسکیم سے استفادہ کے لیے مجلس نے ہیلپ ڈیسک قائم کیا

مہاراشٹر کے اورنگ آباد میں میونسپل کارپوریشن کی گنٹے واری اسکیم سے شہریان کو سہولت فراہم کرنے کے لیے مجلس اتحاد المسلمین نے ایک ہیلپ ڈیسک قائم کیا تھا۔

اورنگ آباد کے دارالسلام میں سرکاری افسران کی موجودگی میں کنٹے واری اسکیم پر عمل کیا جا رہا ہے۔ اس اسکیم کے تحت وقف جائیدادوں کو بھی قانونی حیثیت دی جاسکتی ہے۔

میونسپل کارپوریشن کی گنٹے واری اسکیم سے شہریان کو سہولت فراہم کرنے کے لیے ایم آئی ایم کی جانب سے اورنگ آباد شہر میں واقع دارالسلام میں ایک ہیلپ ڈیسک شروع کیا گیا، اس ہیلپ ڈیسک کا افتتاح بلال جلیل کے ہاتھوں عمل میں آیا تھا۔

اس موقع پر ایم آئی ایم کے کارکن کثیر تعداد میں موجود تھے۔ مجلس کے رہنماؤں کے مطابق ڈیسک کی مدد سے شہریان، اپنے غیر قانونی مکانات کو قانونی حیثیت دے سکتے ہیں۔ انہوں نے کہا کہ اگر ان کے مکانات وقف یا کارپوریشن کی زمین پر ہوں گے تب بھی اسے قانونی حیثیت حاصل کی جاسکتی ہے۔ واضح رہے کہ اسکیم کی آخری تاریخ 31 اکتوبر تھی۔