مہاراشٹر: شہریت ترمیمی بل کے خلاف احتجاج میں شامل ہونے کی اپیل

گزشتہ روز مرکزی وزیر داخلہ امت شاہ نے لوک سبھا میں شہریت ترمیمی بل پیش کیا تھا جو اکثریت کے ساتھ منظور ہوا اب سماجوادی پارٹی کے سینیئر رہنما ابو عاصم اعظمی نے اس بل کے خلاف احتجاج کا اعلان کیا ہے۔

مہاراشٹر سماجوادی کے ریاست صدر اور رکن اسمبلی ابو عاصم اعظمی نے 14 دسمبر کو دارالحکومت ممبئی کے آزاد میدان میں جبکہ 16 دسمبر کو ناگپور میں احتجاج کرنے کا اعلان کیا ہے۔

واضح رہے کہ شہریت ترمیمی بل کے خلاف ملک گیر احتجاج جاری ہے لیکن بر سر اقتدار مرکزی حکومت نے اکثریت کی بنیاد پر اسے منظور کروالیا ہے جبکہ حزب اختلاف جماعتوں نے اس کی سخت مخالفت کی ہے۔