'اب مہاجر مزدور مفت میں سفر کریں گے'

مہاراشٹرحکومت نے مہاجر اور غیر مقامی مزدوروں کے سفری اخراجات برداشت کرنے کے فیصلے کا اعلان کیا ہے۔

ملک گیر لاک ڈاون کی وجہ سے مہاجر اور غیر مقیم مزدور مختلف مقامات میں پھنس گئے ہیں۔ جن کے پاس اب پیسے بھی ختم ہوگئے ہیں۔ ایسے میں مہاراشٹر حکومت نے اعلان کیا ہے کہ وہ ان مزدوروں سے سفر کے لیے پیسے نہیں وصولے گی۔

مہاراشٹر حکومت کے مطابق مہاجر مزدوروں کو اندراج اور ضروری صحت کی جانچ پڑتال کرنا ہوگی، جس کے بعد مطلوبہ رقم ان کے سفر کے لئے انڈین ریلوے میں منتقل کردی جائے گی۔

مہاراشٹر کی حکومت نے ان مہاجر مزدوروں کے سفری اخراجات برداشت کرنے کا فیصلہ کیا جن کے پاس وسائل کی کمی ہے، لیکن وہ کورونا وائرس سے منسلک لاک ڈاؤن کے درمیان اپنی ریاستوں میں واپس جانا چاہتے ہیں۔

ایک گورنمنٹ آرڈر (جی او) میں بتایا گیا ہے کہ 'مہاجر مزدوروں کو مقامی پولیس اینڈ ڈسٹرکٹ کلکٹرس کے ساتھ اپنا اندراج کروانا ہو گا اور صحت کا ضروری معائنہ کرنا ہوگا'۔

ایک بار جب وہ سفر کے نئے اصولوں کے مطابق اہل ہوجائیں گے تو متعلقہ ضلعی کلکٹر اس سے متعلق رقم انڈین ریلوے کو منتقل کردیں گے۔

اس میں مزید کہا گیا کہ ضروری رقم وزیراعلیٰ کے ریلیف فنڈ سے منتقل کی جائے گی۔