مہاراشٹر اسمبلی انتخابات کے نتائج بعد بی جے پی اور شیوسینا کے درمیان رسہ کشی جاری تھی اور وزیراعلی کے عہدے کے لیے ان دونوں کے درمیا کشیدگی کے بعد ان کا اتحاد ٹوٹ گیا اور شیوسینا نے این سی پی اور کانگریس کے ساتھ مل کر حکومت سازی کا ارادہ کیا ہے۔
چوںکہ مرکز کی این ڈی اے حکومت میں شیوسینا بھی شامل ہے اسی لیے این سی پی نے شرط رکھی تھی کہ اگر شیوسینا چاہتی ہے کہ این سی پی اس کی حمایت کرے تو اسے مرکز کی این ڈی اے حکومت سے بھی علیحیدگی اختیار کرنی ہوگی اور اپنے وزیر اروند ساونت سے استعفی دلوانا ہوگا۔
شیو سینا کے مرکزی وزیر اروند ساونت کے استعفی کے بعد پارٹی کی جانب سے جاری کردہ بیان میں پارلیمنٹ اجلاس سے قبل اتوار کو نئی دہلی میں ہونے والی این ڈی اے کی میٹنگ میں شیو سینا کے ممبران پارلیمنٹ کی شرکت سے انکار کیا گیا۔
شیوسینا کے رکن پارلیمان سنجے راوت نے یہاں نامہ نگاروں سے بات چیت کرتے ہوئے کہا 'نہیں ہم میٹنگ میں شامل نہیں ہوں گے۔'
اس معاملے میں بی جے پی کے ریاستی ترجمان مادھو بھنڈاری سے جب سوال کیا گیا تو انہوں نے کوئی تبصرہ کرنے سے انکار کیا اور کہا کہ وہ شیوسینا سے پوچھے کہ وہ این ڈی اے کی میٹنگ میں حصہ کیوں نہیں لے گا۔
