ممبئی: تین روز تک اسپیشل ٹرین چلانے کا فیصلہ

موسلادھار بارش کی وجہ سے ممبئی کے میرج، سانگلی، کھرڈ اور پنڈھرپور میں پانی جمع ہونے سے لوگوں کو سخت مشکلات کا سامنا ہے۔

مہاراشٹر کے دارالحکومت ممبئی میں موسلادھار بارش کی وجہ سے تین دنوں کے لیے ویسٹرن ریلوے نے خصوصی ٹرین چلانے کا فیصلہ کیا ہے۔

ریلوے چیف پبلک ریلیشن آفیسر نے اعلان کیا کہ میرج سے کھرڈ کے درمیان آئندہ تین روز کے لیے خصوصی ٹرین چلائی جائے گی۔

موسلادھار بارش کی وجہ سے میرج، سانگلی، کھرڈ اور پنڈھرپور میں پانی جمع ہونے سے لوگوں کو کافی مشکلات کا سامنا کرنا پڑرہا ہے۔

ان علاقوں میں گذشتہ کچھ دنوں سے موسلا دھار بارش کی وجہ سے بڑے جنکشنز پر ٹریفک ہے،جس کی وجہ سے ٹرینوں کی خدمات بھی متاثر ہیں۔

وہیں مہاراشٹر کے ضلع کولہاپور میں موسلادھار بارش اور سیلاب کی وجہ سے آج اسکولز و کالجز میں تعطیل کا اعلان کیا گیا ہے۔

واضح رہے کہ نیشنل ڈیزاسٹر رسپانس فورس نے منگل کے روز ضلع کولہاپور کے 3000 سے زائد افراد اور ضلع سانگلی کے 2900 سیلاب متاثرہ افراد کو بچایا ہے۔