Dilip Walse Patil On Loudspeaker Issue: 'مہاراشٹر میں مذہبی منافرت پھیلانے والوں کو بخشا نہیں جائے گا'

راج ٹھاکرے کی مساجد سے اذان اور لاؤڈ اسپیکر کے متنازع بیان پر وزیر داخلہ دلیپ ولسے پاٹل نے کہا کہ ریاست میں نظم و نسق کو برقرار رکھنے کے لیے پولیس الرٹ ہے۔ مہاراشٹر میں مذہبی منافرت پھیلانے والوں پر سخت کارروائی کے احکامات جاری کیے گئے ہیں۔Dilip Walse Patil On Loudspeaker Isse In Maharashtra

ممبئی:مہاراشٹر نونرمان سینا سربراہ راج ٹھاکرے کی مساجد سے اذان اور لاؤڈ اسپیکر کے تنازع پر حکومت بھی الرٹ ہے۔ وزارت داخلہ نے یہ واضح کر دیا ہے کہ فرقہ وارانہ تشدد اور فساد برپا کرنے والوں کے خلاف سخت کارروائی کی جائے گی۔ کسی کو بھی فرقہ وارانہ ہم آہنگی اور بھائی چارہ کو نقصان پہنچانے کی اجازت نہیں ہے۔ اگر کوئی اس کی خلاف ورزی کرتا ہے تو اس پر کارروائی ہوگی وہ کسی بھی تنظیم پارٹی یا جماعتوں سے وابستہ کیوں نہ ہو۔ Dilip Walse Patil On Loudspeaker Isse In Maharashtra

مہاراشٹر کے وزیر داخلہ دلیپ ولسے پاٹل نے کہا کہ ریاست میں نظم و نسق کو برقرار رکھنے کے لیے پولیس الرٹ ہے۔ مہاراشٹر میں مذہبی منافرت پھیلانے والوں پر سخت کارروائی کے احکامات جاری کیے گئے ہیں۔ اس کے علاوہ لاؤڈ اسپیکر کو لے کر حکومت ایک دو دنوں میں سرکلر جاری کرے گی۔ انہوں نے کہا کہ اس حکمنامہ کے مطابق ہی لاؤڈاسپیکر کی اجازت ہوگی اس کے علاوہ مسلسل حالات پر نظر رکھا جارہا ہے۔Dilip Walse Patil On Loudspeaker Isse In Maharashtra

انہوں نے کہا کہ ریاست کے ڈی جی پی اور ممبئی کے پولس کمشنر سے لاؤڈاسپیکر کے مسئلہ پر میٹنگ کی گئی ہے اور اس میٹنگ کے بعد اس پر لائحہ عمل بھی تیار کیا گیا ہے۔ ممبئی شہر میں حالات ساز گار ہے اور پولیس نے نظم ونسق کی برقراری کے لئے ضروری اقدامات بھی کیے ہیں۔ ممبئی اور مہاراشٹر کا نظم و نسق خراب کرنے کی کسی بھی اجازت نہیں ہوگی، اگر کوئی فرقہ وارانہ منافرت پھیلاتا ہے تو اس پر کارروائی ہوگی اسے بخشا نہیں جائے گا۔Dilip Walse Patil On Loudspeaker Isse In Maharashtra