سڑک حادثے میں دو لڑکے ہلاک

پولیس نے بتایا کہ 'مہاراشٹر کے تھانہ شہر میں نامعلوم گاڑی نے اسکوٹر کو ٹکر مار دی جس کے نتیجے میں دو نوعمر لڑکے ہلاک ہوگئے۔'

کپوربواڑی پولیس اسٹیشن کے ایک عہدیدار نے کہا یہ حادثہ اس وقت پیش آیا جب صبح 7 بجے کے قریب گھوڈبندر روڈ پر نامعلوم گاڑی نے ایک سکوٹر کو ٹکر مار دی۔ اس سکوٹر پر دو نوعمر لڑکے سوار تھے جن کی عمر 17 برس تھی۔

انہوں نے کہا کہ منپڈا علاقے سے تعلق رکھنے والے دونوں متاثرین موقع پر ہی ہلاک ہوگئے۔

پولیس عہدیدار نے بتایا کہ لاشوں کو پوسٹمارٹم کے لیے سول اسپتال بھیج دیا گیا ہے اور ان کو ٹکر مانے والی گاڑی کی تلاش جاری ہے۔

واضح رہے کہ اس سے قبل ہفتہ کی رات اسی علاقے میں اسپورٹس یوٹیلیٹی گاڑی (ایس یو وی) کے درخت سے ٹکرا جانے کے بعد دو افراد ہلاک اور متعدد دیگر شدید زخمی ہوگئے تھے۔