ناگپور میں ایک پریس کانفرنس سے خطاب کے دوران مہاراشٹر کے ریاستی وزیر نتن راوت نے کہا کہ ناگپور میں کورونا کے بڑھتے معاملات کے پیش نظر 15 تا 21 مارچ تک مکمل لاک ڈاؤن نافذ کیا جائے گا۔
گزشتہ 24 گھنٹوں کے دوران شہر میں 1700 سے زائد کورونا کیسز سامنے آئے ہیں، اسی لیے لاک ڈاؤں کا فیصلہ کیا گیا ہے۔
روات نے واضح کیا کہ لاک ڈاؤن کے دوران ضروری سروسز جاری رہیں گی، وہیں دواخانے اور ضروری اشیا کی دکانیں کھلی رہیں گی تاکہ لوگوں کو کسی قسم کی پریشانی کا سامنا نہ کرنا پڑے۔
راوت نے کہا کہ ایسی صورتحال اس لیے پیدا ہوئی ہے کہ لوگوں نے کرفیو کو سنجیدگی سے نہیں لیا۔ انہوں نے بتایا کہ کورنٹائن مریض بھی شہر میں گھومتے ہوئے پائے گئے ہیں۔
لاک ڈاؤن کے دوران کوئی بھی بلا ضرورت باہر نہیں جائے گا، بلا ضرورت باہر گھومنے والوں کے خلاف سخت کارروائی کی جائے گی۔ اس کے علاوہ پولیس کمشنر کو بھی سخت کرفیو نافذ کرنے کی ہدایت کی گئی ہے۔ اس دوران نجی دفاتر بند رہیں گے۔ راوت نے کہا کہ سرکاری دفاتر 25 فیصد جاری رہیں گے۔
