'مہاراشٹر میں سماجوادی سے اتحاد نقصان دہ'

ممبئی کانگریس کے جنرل سکریٹری حافظ سفیان نے دہلی پہنچ کر اعلی کمان کو مہاراشٹر میں سماجوادی پارٹی سے اتحاد کے نقصانات سے آگاہ کیا۔

ممبئی کانگریس کے جنرل سکریٹری حافظ سفیان کا کہنا ہے کہ 'مہاراشٹر میں سماجوادی پارٹی کی کوئی زمین نہیں، اگر وہاں ان سے اتحاد کیا جاتا ہے تو اس سے کانگریس پارٹی کو شدید نقصان ہوگا'

سفیان نے ملک ارجن کھرگے سے ملاقات کر کے بتایا کہ مہاراشٹر میں سماجوادی سے اتحاد سے صرف نقصان ہی ہوگا۔

حافظ سفیان نے بتایا کہ 'بائکلہ اور بھیونڈی کو سماجوادی پارٹی کو دینے کی بات کی جارہی ہے جبکہ ان دونوں مقامات پر کانگریس نے گزشتہ لوک سبھا انتخابات میں بہترین مظاہرہ کیا تھا۔'

انہوں نے دعویٰ کیا کہ کانگریس مسلم ووٹ حاصل کرنے کے لیے اگر سماجوادی سے اتحاد کرنا چاہتی ہے تو اس سے کوئی فرق نہیں پڑے گا۔