مراٹھواڑہ میں کورونا متاثرین کی تعداد میں اضافہ

مہاراشٹر کے خطہ مراٹھواڑہ کے آٹھ اضلاع میں کورونا وائرس کے 609 نئے کیسز سامنے آئے ہیں جبکہ اس دوران 10 افراد کی موت ہوئی ہے۔

مراٹھواڑہ کے ان اضلاع میں کورونا وائرس متاثرین کی تعداد میں اضافے کا سلسلہ جاری ہے اور گزشتہ 24 گھنٹوں میں 609 نئے کیسز کے بعد متاثرہ افراد کی تعداد 19 ہزار 317 ہوگئی ہے جبک اس مہلک وائرس سے ابھی تک 699 افراد ہلاک ہوئے ہیں۔

مراٹھواڑہ کے تمام ضلعی صدر دفاتر سے حاصل کردہ سرکاری اعداد و شمار کے مطابق اورنگ آباد شہر خطہ کا سب سے زیادہ متاثرہ علاقہ ہے جہاں کورونا سے 6 اموات اور 324 نئے کیسز سامنے آئے ہیں۔

اس کے علاوہ ناندیڑ میں 39 کیسز اور ایک موت ، لاتور میں کیسز 70، عثمان آباد میں 18کیسز، پربھنی میں 26 کیسز اور دو اموات، جالنہ میں 71، بیڑ میں 37 اور ہنگولی میں 27 متاثر اور ایک موت واقع ہوئی ہے۔

یہ قابل ذکر ہے کہ اس علاقے میں کورونا وائرس ٹیسٹنگ شروع ہونے کے بعد سے اس کے متاثرین کی تعداد میں اضافہ ہوا ہے۔