مالیگاؤں میں این سی پی کے دفتر کا یکم جون کو افتتاح

مالیگاؤں میں راشٹروادی کانگریس پارٹی کی دفتر کا یکم جون کو افتتاح کیا جائے گا جس میں پارٹی کے متعدد رہنما شرکت کریں گے۔

مہاراشٹر کے شہر مالیگاؤں میں راشٹروادی کانگریس پارٹی کی دفتر کا یکم جون کو افتتاح شیخ آصف کی صدارت میں کیا جائے گا۔ اس کی جانکاری راشٹروادی کانگریس پارٹی کے کوآرڈینیٹر شکیل جانی بیگ نے دی۔

اس دوران انہوں نے بتایا کہ اس دفتر کے افتتاح کے موقع پر مالیگاؤں شہر کی عوام کے لیے راشٹروادی کانگریس پارٹی کے رہنماؤں کی جانب سے نیک خواہشات کا ویڈیو پیغام دیکھایا جائے گا۔

اس دفتر کا افتتاح شہر کے مختلف حلقوں سے تعلق رکھنے والے محنت کش طبقہ سے وابستہ دسشخصیات کے ہاتھوں کیا جائے گا۔

راشٹروادی کانگریس پارٹی کے صدر شیخ آصف نے بتایا کہ اس دفتر کا افتتاح عوامی کام کرنے کے لیے عوام کے ہاتھوں کیا جارہا ہے۔

انہوں نے کہا کہ مالیگاؤں سینٹرل اور آؤٹر کے راشٹروادی کانگریس پارٹی سے منسلک لیڈران اس پروگرام میں بڑی تعداد میں شرکت کررہے ہیں۔