چار نومبر کو ممبئی پولیس نے ارنب کو ان کے گھر سے گرفتار کیا تھا، ارنب بدھ کے روز تلوجہ جیل سے باہر آتے ہی اسٹوڈیو پہنچے۔
ارنب گوسوامی اسٹوڈیو پہنچتے ہی مہاراشٹر کے وزیر اعلی ادھو ٹھاکرے پر تنقید کی۔
انہوں نے کہا کہ ادھو ٹھاکرے نے مجھے ایک پرانے، فرضی معاملے میں گرفتار کیا، اور مجھ سے معافی تک نہیں مانگی، کھیل اب شروع ہوا ہے، میں ہر زبان میں ریپبلک ٹی وی شروع کروں گا، اور بین الاقوامی میڈیا میں اپنی موجودگی درج کراؤں گا۔
انہوں نے کہا کہ ادھو ٹھاکرے میری بات سنو آپ ہار چکے ہو، آپ کو شکست ہوئی ہے ۔
دوبارہ گرفتاری کا اندیشہ ظاہر کرتے ہوئے ارنب گوسوامی نے کہا کہ 'میں تو جیل میں بھی چینل لانچ کردوں گا اور (ٹھاکرے) کچھ نہیں کر پائیں گے، کیوں کہ میرے ساتھ ملک کی عوام ہے اور آپ اپنا دیکھ لو کیوںکہ آپ تو اکیلے ہو'۔
ارنب گوسوامی نے مراٹھی زبان میں بولتے ہوئے کہا کہ 'مجھے ضمانت دینے کے لیے سپریم کورٹ کا شکریہ ادا کرتا ہوں، ستیہ کی جیت یوئی، جے مہاراشٹر'۔
