آرے میٹرو کارشیڈ کے کام پر وزیر اعلیٰ ادھو ٹھاکرے نے روک لگا دی ہے۔
انہوں نے کہا کہ 'نیم شب میں درختوں کی کٹائی کرنا مجھے منظور نہیں ہے۔ میں آرے میں ایک بھی درخت کو ہاتھ لگانے نہیں دوں گا۔'
انہوں نے کہا کہ 'میں غیر متوقع طور پر وزیر اعلیٰ بنا ہوں۔ ٹھاکرے خاندان کبھی بھی خود کے لیے کچھ نہیں چاہتا ہے لہذا جب یہ ذمے داری مجھے دی گئی تو میں نے اسے قبول کر لیا چونکہ اگر میں اسے تسلیم نہیں کرتا تو یہ بالا صاحب ٹھاکرے کی تعلیم کی توہین ہوتی۔'
انہوں نے کہا کہ 'میں نے آج تک اسمبلی نہیں دیکھا ہوں اور میں دو یا تین بار ہی منترالیہ گیا ہوں۔'
ادھو ٹھاکرے نے کہا کہ 'مہاراشٹر کا وزیر اعلیٰ بننا ایک بڑی چیلینج ہے۔ ہمارے سامنے کئی مسائل ہیں۔ اس کو حل کرنا ہماری ذمے داری ہے اور ہم پوری ذمے داری سے ان مسائل کو حل کرنے کی کوشش کریں گے۔'
انہوں نے کہا کہ 'میں پہلا وزیر اعلیٰ ہوں جس کا جنم ممبئی میں ہوا ہے لہذا ممبئی کے ساتھ ساتھ دیگر شہروں میں بہتر طریقے سے کام کرنے کی کوشش کریں گے۔'
وزیراعلی ادھو ٹھاکرے نے پریس کانفرنس میں کہا کہ 'میں نے آرے کار شیڈ پروجیکٹ پر روک لگانے کا حکم دیا ہے۔
انہوں نے کہا کہ اب آرے جنگلات کی ایک بھی درخت نہیں کاٹا جائے گی۔
- ادھو ٹھاکرے کی پریس کانفرنس کے اہم نکات
- ادھو ٹھاکرے نے 'ورشا' میں جانے کا اشارہ دیا
- آرے کارشیڈ کے کام پر روک، آرے میں ایک بھی درخت کو ہاتھ نا لگانے دینے کی بات کہی
- عوام کے پیسے کا بے جا استعمال رکنا چاہیے، ہم عوام کو جوابدہ ہیں
