موٹر گیراج میں آتشزدگی، کروڑوں کا سامان خاکستر

ایک زراسی چنگاری کیا بھڑکی دیکھتے ہی دیکھتے 6 ورک شاپ خاکستر ہوگئے یہ واقعہ اورنگ آباد کے چکل تھانہ ہائی وے پر واقع فور وہیلرس کے ورکشاپ میں پیش آیا۔

رات کے اندھرے میں رونما ہوئی اس آتشزدگی سے 25 سے زائد کاروں کو جلاکر راکھ کردیا، دکانداروں کا الزام ہیکہ فائر عملے کی تاخیر کی وجہ سے ان کا کروڑوں روپئے مالیت کا سامان جل کر خاک ہوگیا۔

مقامی لوگوں نے پرائیوٹ ٹینکروں کی مدد سے آگ پر قابو پانے کی کوشش کی اور اسی طرح کرین کی مدد سے کاروں کو باہر نکالنے کی ناکام کوشش کی، چونکہ بڑی گاڑیوں میں پٹرول موجود تھا تو وہ فوری آگ کی زد میں آگئی اور موقعہ واردات پر زور دار دھماکے ہوئے۔

دکانداروں کا کہنا ہیکہ آتشزدگی میں کم ازکم تین کروڑ روپئے کا سامان خاکستر ہوگیا ہے، فائر عملے کے تعلق سے لوگوں میں کافی ناراضگی دیکھی گئی ۔