ممبئی میں دہشت گردانہ حملے کا خدشہ، ہائی الرٹ جاری

ملک کے اقتصادی دارالحکومت ممبئی میں تہواروں کے پیش نظر ممکنہ دہشت گردانہ حملے کا خدشہ ظاہر کیا جارہا ہے جس کے سبب پورے شہر میں ہائی الرٹ جاری کیا گیا ہے۔

‏ممبئی شہر میں ہوائی حملے ہو سکتے ہیں جس بات کو مد نظر رکھتے ہوئے ممبئی پولیس نے 30 اکتوبر سے 28 نومبر تک شہر میں دفعہ 144 نافذ کردی ہے۔

ممبئی پولیس کے ترجمان ایس چیتنیا نے یہ نوٹس جاری کرتے ہوئے شہر کے حساس علاقوں میں سکیورٹی پختہ انتظامات کرنے کی بات کہی ہے۔ نوٹس میں یہ بھی کہا ہے کہ اس قانون کی خلاف ورزی کرنے والوں کے خلاف قانونی کارروائی کی جائیگی۔

ممبئی ہمیشہ سے ہی دہشت گردوں کے نشانے پر رہا ہے۔ بحری راستے سے 26/11 جیسی واردات ہونے کے بعد ان راستوں پر سختی سے نگرانی کی جا رہی ہے۔ ایسے میں فضائی حملوں کو لیکر خفیہ ایجنسیوں نے الرٹ جاری کیا ہے، جس کے بعد ممبئی پولیس الرٹ ہو چکی ہے۔ حالانکہ اس سے پہلے بھی اس طرح کے حملوں کو لیکر خفیہ ایجنسیوں نے الرٹ جاری کیا تھا۔

ہائی الرٹ جاری

ممبئی پولیس نے واضح کیا ہے کہ اس دوران قوانین کی خلاف ورزی کرنے والوں کے خلاف سخت سے سخت کارروائی کی جائے گی۔