اورنگ آباد: سیلاب متاثرین کے لیے امداد روانہ

کوکن کے سیلاب متاثرین کے لیے اورنگ آباد کے اتحاد گروپ اور روٹری کلب کے اشتراک سے ایک ٹرک سامان روانہ کیا گیا۔

کوکن کے سیلاب متاثرین کے لیے شہر اورنگ آباد سے امداد روانہ کی گئی ہے۔ اورنگ آباد کے اتحاد گروپ اور روٹری کلب کے اشتراک سے ایک ٹرک روز مرہ کا سامان روانہ کیا گیا ہے۔ اس دوران ایم پی امتیاز جلیل نے کہا کہ 'سیلاب متاثرین کی مدد وقت کا اہم تقاضہ ہے۔'

رتناگیری ضلع کے چپلون اور دوسرے علاقوں میں ایک ہفتہ پہلے آئی طغیانی سے ہزاروں افراد بے گھر ہوگئے ہیں، سیلاب کا پانی سب کچھ بہاکر لے گیا، حالات اتنے سنگین ہیں کہ ایک ہفتہ گزرنے کے باوجود متاثرہ علاقوں میں زندگی معمول پر نہیں آسکی ہے۔

اورنگ آباد کے شہریان مصیبت کی اس گھڑی میں متاثرین کی ہر ممکن مدد کے لیے آگے آرہے ہیں، متعدد تنظیموں کی جانب سے راحتی سامان روانہ کیا جارہا ہے۔

اورنگ آباد کے اتحاد گروپ اور روٹری کلب کے اشتراک سے ایک ٹرک بھر کر سامان روانہ کیا گیا اورنگ آباد کے ایم پی امتیاز جلیل کا کہنا ہیکہ یہ چھوٹی سی کو شش ہے اس میں عوام کو بڑھ چڑھ کر حصہ لینے کی ضرورت ہے۔