مہاراشٹر: جمنیزیم اور سوئمنگ پول جلد ہی کھولے جائیں گے

ممبئی میں لاک ڈاؤن کے قوانین میں نرمی برتی گئی ہے، لیکن فی الحال یہ نرمی کا فائدہ کاروباریوں کو ہو رہا ہے۔ حالانکہ آڈ اون سسٹم کو لیکر دوکاندار اور کاروباریوں کا کاروبار بری طرح سے متاثر ہوا ہے۔ لیکن وزیر صحت راجیش ٹوپے نے یہ صاف کر دیا ہے کہ لاک ڈاؤن اور سوشل ڈسٹنسنگ کے قوانین میں جلد ہی نرمی برتی جائیگی۔

ان میں خاص کر جمنیزیم، سوئمنگ پول جیسی جگہیں بھی کھولی جائینگی، لیکن اس دوران بھی سوشل ڈسٹنسنگ کا پورا پورا خیال رکھنا ہوگا۔

در اصل ممبئی میں کورونا کیسز میں اضافے کے بعد کاروبار سے لیکر ہر وہ شعبہ متاثر ہوا، جہاں لوگوں کا زیادہ ہجوم رہتا ہے۔

کورونا پر کنٹرول کرنے کے لئے حکومت نے سب سے پہلے ان جگہوں کو بند کرنے کا فرمان جاری کیا، جس کی وجہ سے ممبئی جیسے شہر میں لاکھوں لوگ بے روزگاری کے دہانے پر پہنچ گئے۔

حکومت نے بھلے ہی لاک ڈاؤن کے قوانین میں نرمی برتے جانے کی بات کہی ہے، لیکن سب سے اہم سوال یہ ہے کہ لاک ڈاؤن میں جو نقصان ہوگا اس کا خمیازہ کون بھگتے گا؟