Govt Teachers Protest اورنگ آباد میں اساتذہ کی احتجاجی ریلی

اورنگ آباد شہرمیں اساتذہ کی جانب سے مختلف مطالبات کولے کر ریلی نکالی گئی۔ ڈویژنل کمشنرآفس پر پہنچ کراساتذہ کی احتجاجی ریلی جلسے میں تبدیل ہوگئی۔ احتجاجی ریلی میں سینکڑوں کی تعداد میں اساتذہ نے شرکت کی۔Govt Teachers protest

اورنگ آباد: مہاراشٹر کے اورنگ آباد میں سینکڑوں اساتذہ نے مختلف مطالبات کو لے کر ریاستی حکومت کے خلاف احتجاجی ریلی نکالی۔ اساتذہ نے گنگاپور کے رکن اسمبلی کے بیان کی مخالفت کرتے ہوئے ان کے خلاف شدید غم و غصے کا اظہار کیا ہے۔Govt Teachers protest In Aurangabad In Maharashtra

اساتذہ نے رکن اسمبلی پرشانت بمب کے بیان کو غلط اور بے بنیاد بتایا ہے. انھوں نے بتایا کہ خواتین اور ان کے شوہر درس و تدریس کے پیشے سے وابستہ ہیں۔ ان کی بحالیاں الگ الگ مقامات پر ہوئیں۔ جبکہ حکومت کے جی آر کے مطابق میاں اور بیوی دونوں ہی نوکری پر ہوں تو دونوں کو ایک ہی مقام پر نوکری کے لئے مقرر کرنا چاہیے لیکن ایسا عملی طور پر نہیں ہو پا رہا ہے ۔

اسی لئے ایسے اساتذہ اسکول کے کوارٹرز میں نہیں رہ پاتے لیکن رکن اسمبلی پرشانت بمب نے ایسے اساتذہ کے خلاف محاذ کھول رکھا ہے جو سراسر غلط ہے اور بے بنیاد ہے۔

حکومت سے مطالبہ کیا گیا کہ اس معاملے میں حکومت اپنا موقف ظاہر کرے، ساتھ ہی پرشانت بمب سے کہا گیا کہ وہ اپنا بیان واپس لے۔رکن اسمبلی پرشانت بمب کو اپنے بے بنیاد بیان کے تعلق سے اساتذہ سے معافی بھی مانگے۔