اورنگ آباد: پانی میں ڈوبنے سے پانچ ہلاک

مہاراشٹر کے شہر اورنگ آباد میں تیراکی سیکھتے ہوئے پانی میں ڈوب کر ایک ہی خاندان کے پانچ افراد کی موت ہو گئی۔ جن میں 42 سالہ ایک شخص اور اس کے 4 بچے شامل ہیں۔ جن کی عمریں سات، نو اور 12 برس تھیں۔

ریاست مہاراشٹر کے شہر اورنگ آباد کے تعلقہ پیٹھن کے گاؤں ویہیمانڈوا سے ایک افسوس ناک خبر ہے۔ یہاں پر تیراکی سیکھتے ہوئے پانی میں ڈوب کر ایک ہی خاندان کے پانچ افراد کی موت ہو گئی۔

اورنگ آباد میں پانی میں ڈوبنے سے ایک ہی خاندان کے 5 افراد ہلاک

اس حادثے کی اطلاع ملتے ہی گاؤں میں کہرام مچ گیا۔ واضح رہے کہ دو دن قبل بھی پیتھن تعلقہ میں پانی میں ڈوبنے سے دیگر 5 افراد ہلاک ہو چکے ہیں۔ 24 گھنٹوں کے اندر اندر ڈوبنے سے 10 افراد کی موت پر تعلقہ میں ہر طرف رنج اور افسوس کا اظہار کیا جا ریا ہے۔

تفصلات کے مطابق کورڈے بستی کے رہنے والے لکشمن کورڈے اپنے بچوں کو تیراکی سکھانے کے لیے کھیت میں بنے تالاب پر لے گیا تھا۔ جہاں رسی باندھ کر انھیں تیرنا سکھا رہا تھا۔ اچانک رسی توٹ جانے کے سبب بچے ڈوبنے لگے۔ اس نے مدد کے لیے چیخ پکار کی۔ لیکن قریب میں کوئی موجود نہیں تھا۔ اس نے اپنے بچوں کو بچانے کی کوشش کی مگر ناکام رہا اور انھیں بچانے کی کوشش میں خود بھی ڈوب گیا۔