ممبئی: گھاٹکوپر میں بھیانک آتشزدگی

ریاست مہاراشٹر کے دارالحکومت ممبئی کے گھاٹکوپر علاقے میں واقع کیمیکل فیکٹری میں بھیانک آگ لگ گئی۔

ممبئی کے ساکی ناکہ علاقے میں ایک تھنر کیمیکل فیکٹری میں اچانک آگ لگ گئی۔ اس حادثے میں 30 سے 35 گودام جل کر خاکستر ہونے کی اطلاع ہے۔

ساکی ناکہ کے خیرانی روڈ کے قریب آشاپورا کمپاؤنڈ میں دوپہر میں پانچ بجے اچانک آگ لگ گئی۔

آگ لگنے کے بعد دس فائر بریگیڈ کی گاڑیاں جائے واقعہ پر پہنچی۔

آگ لگنے کے بعد احیتاط کے طور پر بجلی کنکشن کاٹ دیا گیا جس کی وجہ سے علاقے میں اندھیرا چھا گیا اور لوگ سڑکوں پر جمع ہو گئے۔

اس کمپاؤنڈ میں وائر، بھنگار، گونی، پلاسٹک، فرنیچر، کیمیکل وغیرہ کے گودام ہیں۔

آگ کی وجہ سے گھاٹکوپر، وکھرولی، ساکی ناکہ کے علاقے میں فضاؤں میں دھواں دھواں ہو گیا۔

آگ لگنے کی وجہ اب تک معلوم نہیں ہو سکی ہے۔