تھانے کے ہیرانندانی اسٹیٹ میں خوفناک آتشزدگی

مہاراشٹر کے دارالحکومت ممبئی سے متصل شہر تھانے ویسٹ کے ہیرانندانی اسٹیٹ میں خوفناک آتشزدگی کا واقعہ پیش آیا ہے ، آگ پر قابو پانے کے لیے فائر بریگیڈ کی سات گاڑیاں موقع پر پہنچ چکی ہیں۔

آتشزدگی کا یہ واقعہ آج صبح تقریباً آٹھ بجے ہیرا نندانی اسٹیٹ کے آرکیڈیا شاپنگ سینٹر میں پیش آیا جہاں آگ نے اطراف کی چھ دوکانوں کو بھی اپنی چپیٹ میں لے لیا۔

حالانکہ یہ علاقہ کافی بھیڑ بھاڑ والا علاقہ مانا جاتا ہے اگر آتشزدگی یہ واقعہ کسی اور وقت پیش آتا تو کسی بھی طرح کا بڑا نقصان پیش آسکتا تھا۔

اس واقعہ میں کسی بھی طرح کا جانی نقصان نہیں ہوا ہے کسی بڑے پیمانے پر مالی نقصان ہونے کا اندازہ لگایا جارہا ہے۔ فی الحال آتشزدگی کی وجہ اب تک معلوم نہ ہوسکی ہے۔