Father Claims Daughter Died of COVID Vaccine: ویکسین لینے سے بیٹی کی موت، والد نے ایک ہزار کروڑ روپے کا مطالبہ کیا

بیٹی کی موت سے دلبرداشتہ ایک شخص نے عدالت کا دروازہ کھٹکھٹایا ہے۔ دلیپ لوناوت کا کہنا ہے کہ کورونا ویکسین کی وجہ سے ان کی بیٹی کی موت ہوئی۔ لوناوت نے بیٹی کی موت کے لیے ذمہ داروں کے خلاف بامبے ہائی کورٹ کی اورنگ آباد بینچ میں ایک ہزار کروڑ کے معاوضے کا دعوی کیا ہے۔ Seeks Rs 1000 Core Compensation

ریاست مہاراشٹر کے اورنگ آباد سے تعلق رکھنے والے دلیپ لوناوت نے بامبے ہائی کورٹ میں ایک ہزار کروڑ روپے کے معاوضہ کے لیے رٹ عرضی داخل کی ہے۔ انہوں نے مرکزی وزارت صحت کی اے ایف آئی کمیٹی کے اعتراف کو بنیاد بناکر عرضی داخل کی ہے۔ ان کا کہنا ہے کہ وزارت صحت نے اعتراف کیا کہ ان کی بیٹی کی موت ویکسین لینے کی وجہ سے ہوئی ہے۔ انہوں نے اپنی عرضی میں مرکزی، ریاستی حکومت اور سیرم انسٹیٹیوٹ اور ان کے معاون اداروں کو مورود الزام ٹھہرایا ہے۔ father Claims Daughter Died of COVID Vaccine Side Effects

دلیپ لوناوت کے مطابق ان کی بیٹی ڈاکٹر اسنیہل لوناوت ناسک کے اِگت پوری میں واقع ڈینٹل کالج میں خدمات انجام دے رہی تھیں۔ 28 جنوری 2021 کو اسنیہل نے کورونا ویکسین کا ٹیکہ لیا، لیکن یکم مارچ 2021 کو اس کی موت ہوگئی۔ دلیپ لوناوت کا کہنا ہے کہ سال بھر سے ان کا خاندان بیٹی کی موت کے ذمہ داروں کے خلاف جدوجہد کررہا ہے۔'

دلیپ لوناوت کا کہنا ہیکہ مرکزی وزارت صحت کی اعلی سطح کی کمیٹی اے ایف آئی نے اس بات کا اعتراف کیا کہ ان کی بیٹی کی موت ویکسینیشن سے ہوئی ہے، اسی رپورٹ کو بنیاد بناکر ہائی کورٹ میں دعوی داخل کیا گیا ہے۔ انہوں نے اپنی بیٹی کی موت پر ایک ہزار کروڑ روپے کے معاوضے کا مطالبہ کیا ہے۔ Seeks Rs 1000 Core Compensation

عرضی میں مرکزی، ریاستی حکومت اور سیرم انسٹیٹیوٹ اور ان کے معاون اداروں کو مورود الزام ٹھہرایا گیا ہے۔