Dargah Makhdoom Mahim چندریان 3 کی کامیاب لینڈنگ پر مخدوم ماہم درگاہ پر چادر چڑھائی گئی

چندریان 3 کی لینڈنگ کو لیکر پورے بھارت میں جوش خروش کے ساتھ جشن منانے کا سلسلہ جاری ہے۔ مندر، مسجد، چرچ اور درگاہ ہر جگہ بھارت کی اس کامیاب لینڈنگ کے لیے دعائیں کی گئی۔ ایسے میں ممبئی کی مخدوم ماہم درگاہ پر بی جے پی کارکنان اور ذمےداران بھی خصوصی دعا کرنے کے لیے پہنچے۔

ممبئی: ہندوستان کے لیے گذشتہ روز ایک تاریخی دن تھا اس دن ہندوستان کے چندریان 3 نے اپنے خلائی پروگرام کے ذریعے دنیا کے ترقی یافتہ ممالک کو پیچھے چھوڑتے ہوئے چاند کی سطح پر کامیابی سے قدم رکھ دیا۔ملک کی تمام ریاستوں کی طرح مہاراشٹر میں چاندریان کی چاند پر کامیاب لینڈنگ پر جشن کا ماحول ہے۔عبادت گاہوں میں اس کے لیے دعائیں گی گئیں تھیں۔

عام لوگوں میں بھی اس کو لے کر زبردست جوش و خروش پایا جا رہا ہے۔اسی درمیان ممبئی کے ماہم درگاہ میں صوفی حضرت مخدوم ماہمی کی درگاہ پر چادر چڑھا کر چندریان 3 کی کامیاب لینڈنگ پر خصوصی دعا کا اہتمام کیا گیا تھا۔ اس موقع پر چادر چڑھائی گئی۔ بی جے پی اقلیتی شعبے کے صدر وسیم خان نے ماہم درگاہ پر چندریان 3 کی کامیاب لینڈنگ کے لیے اپنے ساتھیوں کے ہمراہ چادر چڑھائی اور خاص دعا کی۔

وسیم خان کے ساتھ اس خصوصی دعا میں کئی بی جے پی کارکنان شامل رہے جنہوں نے بھارت کی ترقی اور کامیابی کے لیے دعائیں کی۔ غور طلب ہے کہ ممبئی سمیت پورے بھارت میں چندریان کی اس کامیاب لینڈنگ پر ادنیٰ سے اعلیٰ جشن منارہے ہیں اور اس کے ساتھ ساتھ مذہبی مقامات پر اس کے لیے اپنے اپنے طریقے سے لوگوں نے دعائیں بھی کی تھیں۔