کانگریس-بائیں بازو کی پارٹیوں کے درمیان تلخیاں گزرے دنوں کا عکس

کانگریس کے صدر راہل گاندھی کے ریاست کیرالہ کے وائناڈ پارلیمانی حلقے سے الیکشن لڑنے کے فیصلے سے کمیونسٹ خیمے میں عجیب بے چینی نظر آرہی ہے۔

اس سے پہلے بھی دونوں پارٹیوں میں کئی مواقع پر اختلافات سامنے آئے اور تعلقات میں تلخیاں بھی آئیں جو کسی سے پوشیدہ نہیں ہے۔ موجودہ صورت حال گزرے دنوں کی یاد دلاتی ہے۔

کانگریس اور بائیں بازو کی پارٹیوں کے درمیان تعلقات میں آئی تلخیاں 1959کے اس دور کی یاد دلاتی ہیں، جب اس وقت کی نہرو حکومت نے اختلافات کی وجہ سے کیرالہ کی ای ایم ایس نمبودری پاد حکومت کو برخاست کردیا تھا۔ ایسی ہی ایک مثال 2008 میں اس وقت سامنے آئی جب امریکہ کے ساتھ نیوکلیائی معاہدے کے سلسلے میں ڈاکٹر منموہن سنگھ کی اتحادی حکومت میں شامل بائیں بازو پارٹیوں نے حکومت سے اپنی حمایت واپس لے لی تھی۔

سابق وزیراعظم اندرا گاندھی کے چھوٹے بیٹے اور اس وقت کے رکن پارلیمنٹ سنجے گاندھی کی کمیونسٹوں کے تئیں ناپسندیدگی ایک وقت میں اتنی شدید ہوگئی تھی کہ جب وہ کیرالہ یوتھ کانگریس کے رہنما وائیلار روی اور دیگر سے یہ کہنے سے بھی نہیں چوکے کہ آپ سبھی کمیونسٹوں کی برتاؤ کررہے ہیں۔