مالیگاؤں کارپوریشن ہال میں ساورکر کی تصویر پر تنازع

ریاست مہاراشٹر مسلم اکثریتی شہر مالیگاؤں میں کارپوریشن کی ماہانہ جنرل میٹنگ میں جنتادل سیکولر و ایم آئی ایم متحدہ محاذ کی گروپ لیڈر شان ہند نہال احمد نے کارپویشن میٹنگ ہال میں لگی ویر ساوکر کی تصویر کو نکالنے کا مطالبہ کیا۔

دستور بچاؤ کمیٹی کی جانب سے شان ہند کی قیادت میں لاکھوں کی تعداد میں خواتین اسلام نے شہریت ترمیمی قانون کے خلاف احتجاجی ریلی اور جلسہ کا انعقاد شہیدوں کی یادگار قدوائی پر کیا تھا۔ اس جلسہ میں شان ہند کی تقریر پر مقامی وشو ہندو پریشد نے تشویش ظاہر کی تھی۔

وشو ہندو پریشد کے وفد نے کارپوریشن کمشنر کیشور بروڈے کو شان ہند نہال احمد کی رکنیت ختم کرنے کے لیے ایک مکتوب دیا ہے

گزشتہ دنوں شان ہند کے ویر ساوکر کی تصویر کو ہٹانے کے بیان کو لیکر مقامی وشو ہندو پریشد کے وفد نے کارپوریشن کمشنر کیشور بروڈے کو شان ہند نہال احمد کی رکنیت ختم کرنے کے لیے ایک مکتوب دیا ہے۔ اس مکتوب میں مطالبہ کیا گیا ہےکہ شان ہند نہال احمد کی رکنیت ختم کی جائے اور ان پر قانونی کاروائی بھی کی جائے۔

وشو ہندو پریشد کے وفد میں مچھندر شرکے، وجئے دیورے، شرد پاٹل، یشونت کھیرنار و دیگر اراکین کارپوریشن کمشنر سے ملاقات کے وقت ساتھ تھے۔