دلیپ کمار او بی سی تحریک سے بھی وابستہ تھے: مشیر انصاری

بالی وڈ کے مشہور و معروف اداکار دلیپ کمار کے انتقال کی خبر سے ماحول سوگوار ہو گیا ہے۔ ان سے منسلک افراد بھی ان کی بہترین اداکاری کے دیوانے ہونے کے ساتھ ساتھ ان کی عظیم شخصیت کے دلدادہ تھے۔ او بی سی تحریک سے وابستہ افراد مشیر انصاری نے ای ٹی وی بھارت سے خاص بات چیت کے دوران دلیپ کمار کے بارے میں کچھ دلچسپ باتیں بتائی۔

بہت ہی کم لوگوں کو یہ معلوم ہوگا کہ دلیپ کمار او بی سی تحریک سے منسلک تھے۔ ممبئی کے مسلم اکثریتی علاقے ناگپاڑہ مدنپورہ، ان علاقوں کے وہ لوگ جو او بی سی تحریک سے منسلک تھے۔

اُنہوں نے دلیپ کمار کو مدعو کیا، معاملہ مسلمانوں سے جڑا تھا تو اُنہوں نے ایک آواز پر لبیک کہا۔

مشیر انصاری اس تحریک میں پیش پیش تھے۔ وہ کہتے ہیں کہ ہمیں اس تحریک میں جو بھی کامیابی ملی وہ دلیپ صاحب کی وجہ سے ملی کیونکہ ہر حکومتی مطالبہ میں اعلیٰ شخصیات کا دخل ضروری تھا اور دلیپ صاحب کو وجہ سے ہونا ممکن ہو پایا۔

غور طلب ہے کہ بالی وڈ کے ممتاز اداکار دلیپ کمار کا آج ممبئی میں انتقال ہوگیا۔ انہوں نے صبح تقریباً سات بجے کے قریب ممبئی کے ہندوجا ہسپتال میں آخری سانس لی۔ وہ 98 برس کے تھے۔