خون سے بنائی گئی تصویر دیکھ کر جب دلیپ کمار ناراض ہوگئے تھے۔۔۔۔

بالی وڈ کے ممتاز اداکار و ٹریجڈی کنگ دلیپ کمار کے دنیا بھر میں مداح تھے۔ انہیں میں سے ایک مداح نے جب اپنے خون سے بنائی گئی دلیپ کمار کی تصویر دکھائی تو وہ ناراض ہوگئے اور بعد میں انہوں نے اپنے ہمراہ اسے ناشتہ کرایا۔

بات سنہ 1976 کی ہے، جب دلیپ کمار کی 11 دسمبر کو یوم ولادت تھی۔ اس موقع پر کئی لوگ اُن کے پاس آتے تھے۔ اُن میں شرما نام کا مصور بھی دلیپ کمار سے ملاقات کے لیے تین دن سے اُن کے گھر کے باہر کھڑے رہنے کے بعد شرما کی ملاقات ان سے ہوئی۔ شرما نے اپنے ہاتھوں میں ایک شیشی دکھائی اور کہا کہ اس میں میرا خون ہے اور اس سے میں نے آپ کی تصویر بنائی ہے۔

دلیپ کمار یہ سن کر غصہ ہوگئے۔ اُنہوں نے کہا کیا سمجھتے ہیں؟ اپنے آپ کو اس طرح سے کون کرتا ہے؟ آپ اس خون سے کسی کی جان بچا سکتے تھے۔ تاج قریشی اُن کے قریبی رہے۔

دلیپ کمار اور تاج قریشی

تاج قریشی نے بتایا کہ غصے میں ہونے کے بعد وہ تھوڑی دیر میں نارمل ہوئے اور شرما سے تصویر لے لی۔ شرما کو ناشتہ کرایا اور کہا کہ آپ بھی دلیپ کمار بن سکتے ہیں بس تھوڑا محنت کی ضرورت ہے۔

تاج قریشی کہتے ہیں وہ تصویر دلیپ صاحب نے اُنہیں دے دی۔ وہ تصویر تاج نے اپنے گھر میں لگائی ہے۔ ممبئی کے ناگپاڑہ علاقہ میں مقیم تاج قریشی کہتے ہیں کہ قرآن کے علاوہ ہر تحفے کو وہ ہمارے جیسے قریبوں کو دے دیتے تھے۔

دلیپ کمار اور تاج قریشی

غورطلب ہے کہ بالی ووڈ کے معروف اداکار دلیپ کمار کا آج ممبئی میں انتقال ہوگیا۔ انہوں نے صبح تقریباً سات بجے کے قریب ممبئی کے ہندوجا ہسپتال میں آخری سانس لی۔ وہ 98 برس کے تھے۔

بتادیں کہ اداکار کو سانس لینے میں دشواری کے سبب 29 جون کو ممبئی کے کھار علاقہ میں واقع ہندوجا اسپتال کے آئی سی یو میں داخل کیا گیا تھا۔