دھولیہ: نومنتخب رکن اسمبلی کا جمیعت العلماء کی جانب سے استقبال

مہاراشٹر اسمبلی انتخابات میں ایم آئی ایم کے ٹکٹ پر دھولیہ شہر حلقہ اسمبلی سے منتخب ہونے والے ڈاکٹر فاروق شاہ کو جمیعت العلماء دھولیہ کی جانب سے استقبالیہ دیا گیا۔

شہر دھولیہ حلقہ اسمبلی سے مجلس اتحاد المسلمین کے نو منتخب رکن پارلیمان ڈاکٹر فاروق انور شاہ جمعیت العلماء (دھولیہ) کی دعوت پر مدرسہ فلاح دارین پہنچے جہاں ان کا استقبال جمعیت العلماء دھولیہ کے صدر مفتی سید محمد قاسم جیلانی کے ہاتھوں کیا گیا۔

اس موقع پر دھولیہ جمعیت العلماءکے جنرل سکریٹری عبدالاحد اسعدی کے ہمراہ رضوان الدین سر، اسماعیل شاد سر، حاجی انیس ملا، جمیل احمد روح الامین، ایڈوکیٹ ندیم انصاری، عالمگیر خان، شمش الضحی ٹیلر، شاہد شاہ سر، ڈاکٹر عمران، راشد انصاری و اراکین جمعیت العلماء (دھولیہ) کے ساتھ مجلس اتحاد المسلمین کے ضلعی یوا صدر وسیم اکرم انصاری اور مدرسہ فلاح دارین کے جملہ اراکین و اساتذہ موجود تھے۔