سابق رکن اسمبلی شیخ آصف نے موجودہ رکن اسمبلی مفتی محمد اسماعیل قاسمی پر کئی طرح کے سنگین الزام لگائے ہیں اور اس پر سی بی آئی، این آئی، کورٹ اور دیگر کورٹ میں انکوائری کے مطالبات بھی کیے ہیں۔
انھوں نے الزام لگایا کہ مفتی محمد اسماعیل قاسمی کا تعلق بیرون ملک (برما) کے ایک نامعلوم شخص سے ہے۔ انھوں نے یہ بھی کہا کہ یہ شخص مالیگاؤں میں آتا ہے اور پولیس کو اس کی خبر تک نہیں اسی لیے پولیس کی بھی جانکاری دے۔
شیخ آصف نے مفتی محمد اسماعیل قاسمی اور برما کے اقبال احمد کی تصاویر بطور ثبوت پیش کی۔ جس میں مفتی محمد اسماعیل قاسمی اور وہ شخص دوبئی کے ساحل سمندر پر ساتھ بیٹھا ہوا ہے۔ شیخ آصف نے کہا کہ بھارت کا شہری ہونے کہ ناطے میرا فرض بنتا ہےکہ کوئی غیرقانونی طریقے سے ہمارے ملک میں آئے اور غیر قانونی کاروبار یا تعلق قائم کرے۔ اس لیے سرکاری ایجنسیاں اس جانب دھیان دیں۔
واضح رہے اس سے پہلے 8 مارچ کو کانگریس پارٹی کی جانب سے مفتی محمد اسماعیل قاسمی کی کارکردگی اور نمائندگی پر سوالات اور الزامات پر جلسہ منعقد کیا تھا۔ اور 10 مارچ کو پریس کانفرنس منعقد کرکے مفتی محمد اسماعیل قاسمی کے خلاف تصاویر شکل میں ثبوت پیش کیے۔ نیز ان پر سی بی آئی انکوائری کا بھی مطالبہ کیا۔