امتیاز جلیل سمیت 70 افراد کے خلاف کیس درج

دو روز قبل امتیاز جلیل نے اپنے حامیوں کے ساتھ اورنگ آباد کے ریلوے اسٹیشن کے فلائی اوور برج پر راستہ روک کر احتجاج کیا تھا۔ اسی معاملے کے تحت مقدمہ درج کیا گیا ہے۔

ریاست مہاراشٹر کے ضلع اورنگ آباد میں رکن پارلیمان امتیاز جلیل سمیت 70 کارکنوں کے خلاف اورنگ آباد کے ویدانت نگر پولیس اسٹیشن میں معاملہ درج کیا گیا ہے۔ اس پر امتیاز جلیل نے مقدمے کو عوام کے لیے مفید بتایا ہے۔

مخدوش راستوں کے تعلق سے ریاستی حکومت اور اورنگ آباد میونسپل کارپوریشن کو متوجہ کرنے کے لیے دو روز قبل امتیاز جلیل نے اپنے حامیوں کے ساتھ اورنگ آباد کے ریلوے اسٹیشن کے فلائی اوور برج پر راستہ روک کر احتجاج کیا تھا۔

جس کی وجہ سے حکم امتناع کے خلاف ورزی کی پاداش میں امتیاز جلیل اور ان کے 70 کارکنوں کے خلاف اورنگ آباد کے ویدانت نگر پولیس اسٹیشن میں معاملہ درج گیا ہے۔

امتیاز جلیل نے راستہ روکو احتجاج کا کریڈٹ لیتے ہوئے کہا کہ ہمارے احتجاج کا نتیجہ یہ ہوا کہ راستوں کی مرمت شروع ہوگئی ہے۔ اگر ہمارے احتجاج سے عوامی مسائل حل ہوتے ہیں تو ہم ایسے مقدمات کا خیر مقدم کرتے ہیں۔