ممبئی کا محمد علی روڈ، بھنڈی بازار، منارہ مسجد، ناخدا محلہ جیسے بازاروں کا تعلق متوسط طبقے سے ہے اور متوسط طبقے کا تعلق ممبئی کی لائف لائن کہی جانے والی لوکل ٹرین سے ہے۔
ان بازاروں کی اگر معاشی حالت بہتر ہو سکتی ہے تو عام آدمی کی رسائی کے لیے لوکل ٹرین کا شروع ہونا ضروری ہے، جسے کورونا وبا پر کنٹرول پانے کے لئے حکومت نے پوری طرح سے بند کر دیا ہے۔
مقامی دکاندار ابراہیم کہتے ہیں کہ جون کے مہینے میں حکومت نے لاک ڈاؤن میں نرمی برتی لیکن بازار میں اس نرمی کا بھی کوئی اثر نہیں ہوا اور اب حالات ایسے ہیں کہ سال کے آخر ی مہینے تک بھی حالات بنتے نظر نہیں آرہے۔
ممبئی کی لائف لائن کہی جانے والی لوکل ٹرین نہ صرف قلیل مسافت طے کرنے کا ذریعہ ہے بلکہ ممبئی کی معیشت ممبئی کے بازاروں میں اس کا ایک اہم کردار ہے۔ جسکے بارے میں حکومت کو اب سوچنا ہوگا۔ ورنہ ان بازاروں میں پہلے جیسی رونق لانے اور خریدار اکٹھا کرنے کے لئے طویل وقت لگ سکتا ہے۔