مہاراشٹر کے دارالحکومت ممبئی سے ایک نجی ٹرویل کمپنی کی مسافر بردار بس (ایم ایچ 48، کے 4237) بدھ کی رات میں 31 مسافروں کے ساتھ کنکولی کے لیے روانہ ہوئی تھی۔
لیکن صبح تقریباً 4 بجے جب ممبئی-گوا شاہراہ پر ضلع رائے گڑھ کے کاشیڑی گھاٹ کے بھوگاؤں کے قریب ڈرائیور نے بس کا کنٹرول کھو دیا جس کے بعد بس بے قابو ہوکر 50 فٹ گہری کھائی میں جاگری۔
خوش قسمتی سے بس کھائی کےایک ایک درخت میں اٹک گئی جس کی وجہ سے ایک بڑا حادثہ ٹل گیا۔
اس حادثے میں دیوگڑھ کے ایک آٹھ سالہ سائی رانے نامی لڑکے کی موقع پر ہی موت ہوگئی جبکہ دیگر 15 مسافر زخمی ہوئے ہیں جنھیں پولادپور کے ایک اسپتال میں داخل کرادیا گیا ہے۔
پولاد پور پولیس اور ریسکیو ٹیموں نے 30 افراد کو بحفاظت باہر نکال کر بروقت کارروائی انجام دی ہے۔