سڑکوں کی بدحالی کے خلاف مہاراشٹر نونرمان سینا کا احتجاج

مہاراشٹر کے شہر بھیونڈی میں سڑکوں کی خستہ حالی اور کھلی گٹروں سمیت بند گٹروں کے ڈھکن نہ ہونے جیسے اہم عوامی مسائل کے خلاف ایم این ایس کے ودیارتھی سینانے میونسپل انتظامیہ اور ریاستی حکومت کے خلاف احتجاج کیا۔

نارپولی پولیس نے مظاہرین کے خلاف کارروائی کرتے ہوئے انہیں گرفتار کرکے کچھ دیر بعد رہا کر دیا۔

مظاہرین کے مطابق بھیونڈی میں جگہ جگہ جان لیوا گڑھے ہونے کے علاوہ شہر کی زیادہ تر گٹر یا تو کھلی ہیں یا ان کے مین ہول سے ڈھکن غائب ہیں۔جس سے کے جی سے لے کر جونیئر کالج تک پڑھنے والے ہزاروں کی تعداد میں طلباء و طالبات کو آمدورفت میں دشواریوں کا سامنا کرنا پڑتا ہے۔

مظاہرین نے میونسپل انتظامیہ کو خبردار کیا ہے کہ اگرجلد ہی راستوں کی مرمت نہیں کی گئی تو منسے اپنے اسٹائل میں کارپوریشن میں گھس کرافسران کو لاکر ان گڑھوں میں کھڑا کرے گی۔

منسے تھانے ضلع (دیہی) ودیارتھی سیناکے صدر سنتوش سالوی قیادت میں یوگیش دھلے، تعلقہ صدر پریش چودھری، ہرشد پاٹل وکثیر تعداد میں منسے کے کارکنان موجود تھے۔