اورنگ آباد کے ضلع کلیکٹر سنیل چوہان اور کنڑ شیوسینا کے رکن اسمبلی ادے سنگھ راجپور نے صورتحال کا جائزہ لینے کے لیے اورتم گھاٹ کا دورہ کیا۔
کنڑ سے ملی رپورٹس کے مطابق اس روٹ کو ایک آپشنل روٹ کی طرف موڑ دیا گیا ہے۔ تعلقہ میں موسلادھار بارش کے سبب ندی میں سیلاب آنے سے ناگد گاؤں پانی میں ڈوب گیا ہے۔
اس وجہ سے کئی گاڑی اورتم گھاٹ میں پھنس گئی ہیں۔ کنڑگھاٹ میں تودہ کھسکنے کے سبب آپشنل روٹ کے مطابق کنڑ-پانپوئی-چپنیر-شیور بنگلہ-نندگاؤں-چالیس گاؤں جیسے آپشنل روٹ شروع کیے گئے ہیں۔
یہ بھی پڑھیں:اردو اسکول کی جگہ غیر قانونی قبضہ
ندی میں سیلاب کے سبب تعلقہ کے چِکلتھن میں ٹرانسپورٹ ٹھپ ہوگیا ہے۔ ضلع جل گاؤں کے چالیس گاؤں، بھڈ گاؤں اور پچورہ تعلقہ میں بھی شدید بارش سے سیلاب آ گیا ہے۔
گیرنا اور تیتور ندیوں میں سیلاب آ گیا ہے۔ رپورٹ میں کہا گیا ہے کہ تیتور ندی میں آئے سیلاب کے سبب کاج گاؤں -ناگسڑ، کھجولا-نیری-ناگڑ روٹ کو ٹرانسپورٹ کے لیے بند کر دیا گیا ہے اور گاؤں پیر کی رات سے ہی کٹ گئے ہیں۔
ممبئی اور ممبئی کے مضافات سمیت مہاراشٹر کے کئی حصوں میں پیر کے روز سے ہی بارش ہو رہی ہے۔
