دہلی سے روانہ خصوصی ٹرین کے ذریعے اورنگ آباد کے سینکڑوں طلباء اورنگ آباد پہنچ گئے، یہ طلبا دہلی میں 'یو پی ایس سی' اور میڈیکل کی تعلیم حاصل کر رہے تھے، ان کی واپسی کا انتظام مرکزی اور ریاستی حکومت کے اشتراک سے عمل میں آیا۔
اورنگ آباد پہنچنے طلباء نے بخیر و عافیت گھر واپسی پر حکومت کا شکریہ ادا کیا اور ای ٹی وی بھارت کی ٹیم سے بات چیت میں ان طلباء نے اپنے تجربات بھی بیان کیے۔
طلباء سے مل کر ان کے والدین انتہائی جذباتی ہوگئے تاہم ان طلباء کو 14 دن تک کوارنٹائن میں گزارنا ہے، تیس گھنٹے کا سفر طے کرکے اورنگ آباد پہنچے طلباء کو دیکھ کر ان کے والدین اور رشتہ دار جذباتی ہوگئے تھے۔