گزشتہ روز اورنگ آباد کی دادا کالونی نامی علاقے میں فیروز خان نامی ایک شخص کو قتل ہوا تھا اور ابتدائی جانچ میں یہ بات سامنے آئی تھی کہ پیسوں کے لین دین کے معاملے مین یہ قتل ہوا ہے لیکن جب پولیس نے مزید تحقیقات کی تو معلوم ہوا کہ نشی کے عادی نوجوانوں نے معمولی تکرار پر نوجوان کا قتل کر دیا تھا۔
اس بابت شہر کے پولیس کمشنر چرنجوی پرساد نے کہا کہ شہر کو منشیات سے پاک رکھنے اور نوجوانوں کو اس بری لت سے آزاد کرانے کے لیے منشیات مہم چلائی جائے گی جس میں شہر کے ڈاکٹرز، سماجی رضا کار اور فلاحی اداروں کی مدد لی جائے گی۔
اس کے علاوہ انہوں نے کہا کہ شہر کے جرائم پیشہ افراد پر بھی شکنجہ کسا جائے گیا اور جو نوجوان نشے کی لت میں مبتلاء ہیں ان کا علاج کیا جائے گا جبکہ گزشتہ تین ماہ میں 150 سے زائد افراد کا علاج کیا جا چکا ہے۔
