اورنگ آباد میں اب تک کل کورونا کے 3340 مریض سامنے آئے ہیں، 179 کورونا مریضوں کی موت ہوچکی ہے جبکہ 1781 صحت یاب ہوکرگھر روانہ ہوئے ہیں۔
ضلع میں کورونا مثبت کے مریضوں کی تعداد میں آئے دن اضافہ ہورہا ہے ضلع میں کورونا مریضوں کی تعداد بڑھ کر 3340 ہوگئی ہیں کورونا وائرس کے مریضوں کی بڑھتی ہوئی تعداد سے انتظامیہ پریشان دکھائی دے رہا ہے۔
کوڈ 19 کے مریضوں کو اورنگ آباد ضلع کے مختلف ہسپتالوں میں علاج کے لیے رکھا گیا ہے۔ مریضوں کی بڑھتی تعداد کو دیکھتے ہوئے پولیس نے شہر میں جگہ جگہ چیک پوائنٹ لگائے ہے تاکہ لوگ بے وجہ شہر میں نہ گھومنے ۔
انتظامیہ نے عوام سے اپیل کی ہے کہ لوگ اپنے گھروں میں رہے اور ضرورت کے وقت ہی گھر سے باہر نکلے سوشل ڈسپنسنگ رکھیں گھرسے باہر نکلتے وقت منہ پر ماسک لگا کر نکلے اور کورونا وائرس سے محفوظ رہے ساتھ ہی انتظامیہ کی مدد کرے۔
واضح رہے کہ اورنگ آباد ضلع میں کئی جگہ ہاٹ اسپاٹ بنائے گئے ہیں وہاں کے لوگوں کو اپنے زون سے باہر نکلنے کی اجازت نہیں دی گئی ہے۔ جن علاقوں میں مثبت مریض پائے جا رہے ہیں ان علاقوں کو پوری طرح سیل کر دیا گیا ہیں اور وہاں پر سینیٹائزیشن کا بھی کام کیا جا رہا ہے۔